काठमाडौं। नेपाली म्युजिक भिडियोका बादशाह नै मानिएका प्रतिष्ठित गायक सीताराम पोखरेलको 'काँडा उम्रियो' नामक म्युजिक भिडियो सर्वत्र सार्वजनिक भएकाे छ।
प्रत्येक बर्ष नयाँ शैलीका म्युजिक भिडियो रिलिज गर्दै आएका प्रतिष्ठित गायक सीताराम पोखरेलको यस बर्षको भने नयाँ गीतको बोल नै 'काँडा उम्रियो' रहेको छ ।
नेपाली पप म्युजिक फ्लेवरको गजबको नेपाली आधुनिक गीत गायक पोखरेलको 'काँडा उम्रियो' हो।
पश्चिम नेपालका सुन्दर नगर पोखरा लगायतका रमणिय स्थानहरुमा छायाँकन भएको गीतको भिडियोमा तन्नेरी पुस्ताको मायामा आकर्षण र समर्पण कथावस्तुमा रोमाञ्चक ढंगवाट गजबले प्रस्तुत गरिएको छ।
'काँडा उम्रिने' दीपक शर्माको गीत–संगीतमा यस बर्ष गायक पोखरेलको गायनमा बेग्लै आवाज र दम पाइएको छ। जिवेश गुरुङ, स्मारिका ढकाल लगायतकाको बुलन्द अभिनय रहेको छ।
गीतको भिडियोमा मिलन शंकरको छायाँकन, सम्पादन प्रविण भट्टको रहेको छ भने निर्देशन नेत्र गुरुङले गरेका हुन्।
-नामी साप्ताहिकबाट
प्रकाशित मिति: बुधबार, पुस ७, २०७८ ०९:२९
