काठमाण्डौ । 'रगत र रक्ततत्वहरू आवश्यकतानुसार उपलब्ध हुन जति जरुरी छ, त्योभन्दा बढी यसको यथोचित व्यवस्थापन गर्न अति आवश्यक छ' भन्ने मूल नाराका १६औ राष्ट्रिय स्वयंसेवी रक्तदाता दिवस स्थानीय कामनपा–२८ स्थित होटल हार्दिकको सभाकक्षमा एक समारोहकोे आयोजना गरि सम्पन्न भएको छ।
आयोजित उाक्त कार्यक्रम नेपाल स्वयंसेवी रक्तदाता समाजका केन्द्रीय अध्यक्ष एवं स्वयंसेवी शतक रक्तदाता प्रेमसागर कर्माचार्यको सभापतित्व र प्रमुख अतिथि सञ्चारकर्मी तथा गायिका कमला श्रेष्ठको आतित्थ्यतामा सम्पन्न भएको हो।
कार्यक्रम समारोहमा नेपाल रेडक्रस सोसाइटी स्वास्थ्य सेवा बिभागकी निर्देशक डा मनिता राजकर्णिकार, थालिसिमिया सोसाइटीका अध्यक्ष दुर्गा प्रसाद पाठक, संगीत शाखा रेडियो नेपालका प्रमुख मनराजा नकर्मी, समाजका सल्लाहकार दिव्यमणि दीक्षित र माता भद्रकालीको आतित्थ्यता रहेको थियो।
समाजको १६औं राष्ट्रिय स्वयंसेवी रक्तदाता दिवसआफ्नो दुई हात र एउटा खुट्टा गुमाएकी कार्यक्रमका प्रमुख अतिथि कमला श्रेष्ठले कार्यक्रमका सभापति एवं नेपाल स्वयंसेवी रक्तदाता समाजका केन्द्रीय अध्यक्ष तथा स्वयंसेवी शतक रक्तदाता प्रेमसागर कर्माचार्यद्वारा रचित शब्दको गीत गाएर १६औं राष्ट्रिय स्वयंसेवी रक्तदाता दिवसको उद्घाटन गरिएको थियो।
औपचारिक कार्यक्रम शुरू हुनु पूर्व रक्तदान कार्यक्रमको आयोजना गरिएको थियो। उक्त रक्तदान कार्यक्रममा महिला र पुरूष गरी ३४ जनाले रक्तदान गरेको थियो।
सो कार्यक्रममा प्रमुख अतिथि, अतिथि, आमन्त्रित महानुभावहरू र सभापति लगायतले एकसाथ 'हाम्रो रगत' नामक पत्रिकाको सामुहिक लोकार्पण गरिनुकाे साथै अमूल्य रक्तदान गर्ने स्वयंसेवी रक्तदाताहरूलाई प्रशंसा पत्र पनि बितरण गरेको थियो।
नेपाल स्वयंसेवी रक्तदाता समाजका आजीवन सदस्य रमेश प्रसाद पाण्डेद्वारा स्वागत गरिएकाे कार्यक्रमको सञ्चालन भने डा. घनश्याम खतिवडाले गरेका थिए।
प्रकाशित मिति: सोमबार, माघ १७, २०७८ १३:१३
