काठमाडौ । वरिष्ठ गायक रामजी खाँड र लक्ष्मीको खडकाको सुमधुर आवाजमा नयाँ लोकदोहोरी ‘एउटा फोटो खिचेर लान्छु है’ गीतभिडिओ सार्बजनिक भएको छ।
रामजी खाँड र करिश्मा ढकालको सुन्दर फिचरिङ्ग रहेको ‘एउटा फोटो खिचेर लान्छु है’ गीतभिडियोलाई एक विशेष कार्यक्रमको आयोजना गरि डिलाईटेड नेपाल युट्युब च्यानलमार्फत नेपाली सांगीतिक बजारमा सार्बजनिक गरिएको हो।
रिता सिम्खडा दाहालकाे प्रस्तुतीमा तयार पारिएकाे यस गीतकाे शब्द रचना एवं सङ्गीत जीवन प्याकुरेलको रहेकाे छ भने गीतका परिकल्पनाकार तथा संयोजन गीतकार डी.पी. दाहाल परिश्रमी हुन्।
मारुनी रेकर्डिङ् स्टुडियोमा रेकर्ड गरिएको ‘एउटा फोटो खिचेर लान्छु है’ लोक दोहोरी भिडियोलाई डिलाईटेड म्युजिक इण्डष्ट्रिज प्रा लि ले उत्पादन तथा बजार व्यवस्थापन गरेको छ।
‘एउटा फोटो खिचेर लान्छु है’ लोक दोहोरी भिडिओको निर्देशन स्मृति तिमिल्सिना गुरुआमाले गरेकी हुन् भने प्रकाश धमलाको सम्पादन, सुरेश श्रेष्ठको छायाङ्कन र कमल सौरागको म्युजिक एरेञ्ज रहेको छ ।
प्रकाशित मिति: सोमबार, माघ १७, २०७८ २२:२०
