काठमाडौं। नेपाली म्युजिक भिडियोका बादशाह नै मानिएका गायक सीताराम पोखरेलको विलकुलै नयाँ गीतको भिडियो नेपालीहरुको महान पर्व बडा दशैंको शुभकामना सहित रिलिज भएको छ। मनको मैलो मेटिदेऊ दिलको दैलो खोली देऊ बोलको सन्देशमूलक गीतको भिडियो विश्वव्यापी एकसाथ युट्युब मार्फत रिलिज भएको हो।
नायिका रिमा विश्वकर्माको मेन लिड रोल रहेको भिडियोमा रिमाको श्रीमानको रोलमा गायक सीताराम पोखरेलले नै स्वभाविक अभिनय गरेका छन्। साथमा सीताराम र रिमाको छोरीको रोलमा टिकटक भाइरल क्वीन बाल कलाकार आयुषी ढकालको पनि अभिनय रहेको छ। साथमा बेली डान्सर हेमा श्रेष्ठको पनि गजबको पासिङ सट रहेको छ। निर्देशन समन अधिकारीको रहेको छ।
हेमन्त खतिवडाको गीत तथा सञ्जय हमालले संगीत रहेको मनको मैलो मेटिदेऊ दैलो खोली देऊ गीतमा बैदेशिक रोजगारीको विषयलाई विशेष उत्थान गरिएको छ।
प्रकाशित मिति: सोमबार, कात्तिक ३, २०७७ २२:१७
