काठमाडौ । अत्याधिक चर्चामा रहेकाे 'सिमसिमे पानीमा...' गीतबाट बहुचर्चामा आएकी चर्चित गायिका रेखा शाहले 'तिम्रै माया...' नामक अत्यन्तै मार्मिक गीतभिडियो बजारमा ल्याएको छ।
'तिम्रै माया...' गीतभिडियोमा स्वयम् गायिका रेखा शाहको नै फिचरिङ् रहेको उक्त भिडियोलाई गायिका शाहकै रेखा शाह युट्यूवच्यानेलमार्फत सार्बजनिक गरिएको हो।
रमा कार्कीको शब्द रहेको यस 'तिम्रै माया...' गीतभिडियोलाई निर्देशन गरेका छन् रुपेश थापाले भने सम्पादन गरेका हुन् मिलन विश्वकर्माले।
गायिका शाहले विसं.२०४९ सालमा अधिराज्यव्यापी लोकगीत प्रतियोगितामा आफ्नै शब्द तथा लयमा 'सिमसिमे पानीमा...' गीत गाएर प्रथम स्थान हासिल गर्न सफल भएकी थिइन्।
यसरी सांगीतिक क्षेत्रकाे विशाल यात्रामा हाम्फालेकी भर्सटाइल गायिका शाहले लोक, आधुनिक र पप लगायत कैयौ गीतहरु गाएकी छिन् जुन सबै गीतहरु हिट लिष्टमा नै छन्।
प्रकाशित मिति: सोमबार, माघ २४, २०७८ २०:२३
