कुश्मा, पर्वत। नेपाल स्वयंसेवी रक्तदाता समाजका केन्द्रीय अध्यक्ष प्रेमसागर कर्माचार्यले १६९औ पटकको रक्तदान गरेको छ।
नेपाल रेडक्रस सोसाइटीको पर्वत जिल्ला शाखाको प्राबिधिक सहयोगमा नेपाल स्वयंसेवी रक्तदाता समाज पर्वत जिल्ला शाखाद्वारा आयोजित रक्तदान कार्यक्रममा अध्यक्ष कर्माचार्यले १६९औ पटक रक्तदान गरेको हो।
रक्तदान बिशेष कार्यक्रमको आयोजना गरि पर्वत जिल्लाको स्थानीय कुश्मा नगरपालिका वडा नं।.५, बडागाउँ नेपाल रेडक्रस सोसाइटीको प्राङ्गणमा सम्पन्न भएको थियो।
नेपाल स्वयंसेवी रक्तदाता समाज पर्वत जिल्ला शाखाका अध्यक्ष नीरबहादुर पुनको सभापतित्वमा आयोजित उक्त रक्तदान कार्यक्रममा नेपाल रेडक्रस सोसाइटी पर्वत जिल्ला सभापति रूद्र रिमाल र नेपाल स्वयंसेवी रक्तदाता समाज कास्की जिल्ला शाखाका उपाध्यक्ष बिरेन्द्र पराजुली अतिथि रहेको थियो।
अतिथि बीरेन्द्र पराजुलीले आफूले पनि ३५औ पटकको रक्तदान गर्नुका साथै रक्तदानबाट कोहि पनि कमजोरी होईन्न भन्ने तथ्यलाई साबित गर्न रक्तदान लगत्तै बञ्जिजम्प गर्नुका साथसाथै कुश्मादेखि पोखरासम्म साईक्लिङ् गरेको थियोे।
कार्यक्रममा सारेगमप लिटिल च्याम्का अन्तिम पाँच प्रतियोगीमा पुग्न सफल अरूण सुनारले पनि सो कार्यक्रममा सहभागीता जनाएका थिए।
प्रकाशित मिति: आइतबार, फागुन १, २०७८ ०८:१२
