काठमाडौ । नेपालभर ईन्टरनेट र नेट सेवा विस्तार गरिरहेको डिशहोम फाईवरनेटले काठमाडौंको टिकाथलीमा सह–वितरण शोरुमको सुभारम्भ गरेको छ।
फागुन ४ देखि डिशहोम फाईवरनेट विक्री तथा विक्रीपछिको सेवा प्रदान गर्न शुरु गरिएको शोरुम सञ्चालन टेककेयर टेक्नोलोजीले गर्ने भएको हो।
शोरुम उद्घाटन, डिशहोमका तर्फवाट नेशनल सेल्स म्यानेजर मनोज शर्मा, एरियासेल्स म्यानेजर उज्वल न्यौपाने र सेल्स अफिसर रामसुन्दर सिलाकार र रबिन थापाको उपस्थितिमा भएको हो।
विगत लामो समयदेखि डिश मिडिया नेटवर्कसंग सहकार्य गरि डिशहोमको डिटिएच सेवा ग्राहकहरुमाझ पुर्याउँदै आएको टेककेयर टेक्नोलोजीले अब डिशहोम फाईवरनेट बिक्री र विक्री पछिको सेवा नयाँ शोरुम मार्फत दिनेछ।
दुई हजारभन्दा धेरै ग्राहकलाई डिशहोम फाईवरनेटको सेवा उपलब्ध गराईसकेको टेककेयर टेक्नोलोजीले अव अझ बढी ग्राहकहरुकोमाझ पुग्नको लागि पनि यस नयाँ शोरुमले मद्दत गर्ने टेककेयर टेक्नोलोजीका सञ्चालक दिपक थापाले जानकारी दिए।
प्रकाशित मिति: बुधबार, फागुन ४, २०७८ १८:२९
