काठमाडौ । नेकपा (एमाले)का अध्यक्ष केपी शर्मा ओलीले मुलुकको विकास र समृद्धिका लागि स्थानीय तहको निर्वाचनमा जनताले एमालेलाई नेतृत्वमा पुर्याउने बताएको छ।
नेकपा एमाले, बाँकेले नेपालगञ्जमा आयोजना गरेको अगुवा कार्यकर्ता भेला एवं पार्टी प्रवेश कार्यक्रममा अध्यक्ष ओलीले समृद्ध नेपाल निर्माणका लागि एमाले प्रतिबद्ध रहेको बताएको हो।
अध्यक्ष ओलीले अहिले मुलुकको अर्थतन्त्र सङ्कटमा परेको उल्लेख गर्दै लगानी गर्ने पूँजी नभएकाले लगानी भएन भने रोजगारी र उत्पादन अगाडि बढ्न सक्दैन भन्दै उनले जनमैत्री कार्यक्रम गर्न सरकारसँग आग्रह पनि गरे।
अध्यक्ष ओलीले हालै बाँकेको नरैनापुरमा भएको आगलागीमा परेका १६ घरपरिवारलाई जस्तापाता र १/१ लाख रुपैयाँ दिने घोषणा पनि गरे।
प्रकाशित मिति: बिहीबार, चैत २४, २०७८ १७:४८
