काठमाडौ । गायिका मेलिना राई र गायक रमेश राई एकसाथ ‘मकै पिन्नु जाँतोमा’ बोलको म्युजिक भिडियो लिएर आएका छन् ।
मकै पिन्नु जाँतोमा’ प्रेमिल शैलीको गीतमा निशा नेम्वाङको शब्द र विष्णु पोल्वाङ्छा चाम्लिङ राईको सङ्गीत रहेको गीतलाई राजु कार्कीले सङ्गीत संयोजन गरेका छन्।
‘मकै पिन्नु जाँतोमा, धानचाहिँ ढिकीमा’, ‘सोल्टिनीलाई नमस्ते पहिलो भेटैमा’ ‘पिठो चाल्नु चाल्नीमा, चामल नाङ्लोमा’, ‘सोल्टीज्यूलाई नमस्ते पहिलो भेटैमा’ ‘बोलाउँदैमा नसुने झैं किन गर्या होला, ‘पहिलो भेटमै मेरोपछि किन लाग्या होला’, ‘आँखा लोभी मन पापी अल्लारे सोल्टीको, हिम्मत भए भने हुन्छ खाँटी कुरो के हो’ लगायत बोलका गीत प्रस्तुत गरिएको छ।
म्युजिक भिडियोमा बीना राउत, सुन्दर घलान र रमेश राईको अभिनय रहेको ‘मकै पिन्नु जाँतोमा’ म्युजिक भिडियोलाई सनम तामाङले छायाङ्कन गरेका हुन् भने भिडियोमा केशवराज भट्टको कोरियोग्राफी रहेको छ ।
अर्जुन खड्काको सम्पादन र निर्देशनमा भिडियो तयार पारिएको हो । गायक राईको युट्युब च्यानल ‘रमेश राई’ मार्फत् भिडियो सार्वजनिक भएको हो ।
प्रकाशित मिति: सोमबार, वैशाख ५, २०७९ १५:२९
