काठमाडौ । गायिका सुशीला बरालको सुमधुर स्वरमा समावेश ‘तिमीले हेरेर’ बोलको म्युजिक भिडियो सार्वजनिक भएको छ ।
प्रेममय शैलीको यस गीतमा गायिका बरालको शब्द र सङ्गीत रहेको छ । यस गीतलाई महाराज थापाले सङ्गीत संयोजन गरेको हो ।
गायिका बरालको वास्तविक जीवन कथामा आधारित यस गीतको म्युजिक भिडियोमा स्मारिका ढकाल र रञ्जित पौडेलको अभिनय छ ।
माधव बेल्वासेको सम्पादन रहेको यस भिडियो अमृत सुनुवारको छायाङ्कन र निर्देशनमा तयार पारिएको हो ।
भिडियोको कथा आयाम पौडेलले लेखेको हो । गायिका बरालको च्यानल ‘सुशीला बराल अफिसिएल’ मार्फत भिडियो सार्वजनिक भएको हो ।
म्युजिक भिडियोमा ‘तिमीले हेरेर मलाई पुग्ने भए, किन भन्थेँ म अझै हेरिदेऊ’, ‘हेर आज मौसम हाम्रो अघि नै छ’, ‘तिम्रो बोली सुनी म अघाउने भए’ लगायत बोलका गीत समावेश गरिएको छ ।
सङ्गीतकी विद्यार्थी समेत रहेकी गायिका बरालका यसअघि ‘जुनी जुनी’, ‘तिम्रो आँखाको इसाराले’ लगायतका गीतहरु सार्वजनिक भइसकेका छन् ।
म्युजिक भिडियोलाई दर्शक स्रोताबाट सकारात्मक प्रतिक्रिया प्राप्त भइरहेको छ । गायिका बरालले आफ्नो भिडियोलाई माया गरिदिन सबैलाई आग्रह समेत गरेकी छन् ।
प्रकाशित मिति: बुधबार, वैशाख ७, २०७९ १६:०७
