काठमाडौं। प्रधानमन्त्री केपी ओलीले गरेको प्रतिनिधि सभा विघटनविरुद्ध नेपाली कांग्रेसले देशव्यापी प्रदर्शन गरेको छ। विघटित संसदको प्रमुख प्रतिपक्षी दल कांग्रेसले देशका १ सय ६५ वटै निर्वाचन क्षेत्रमा सोमवार एकसाथ प्रदर्शन गरेको हो।
यसक्रममा काठमाडौं निर्वाचन क्षेत्र नंबर ५ मा नेपाली कांग्रेस काठमाडौं महानगरपालिका वडा नंबर ४ का लोकप्रिय तथा जनप्रिय सभापति रामप्रसाद न्यौपानेको नेतृत्वमा सभा–जुलुस भएको छ। काठमाडौं महानगरपालिका वडा नंबर ४ को मध्यविन्दू चण्डोलस्थित विशाल मिलन केन्द्रवाट शुरुभएको विरोध जुलुसमा नेपाली कांग्रेसका कार्यकर्ता तथा सर्वसाधरणहरुको विशेष सहभागिता रहेको थियो।
विशाल मिलन केन्द्रवाट शुभारम्भ भएको सभा तथा जुलुस महाराजगञ्ज चक्रपथमा पुगेर कोणसभा भएको थियो। सभालाई नेपाली कांग्रेसका केन्द्रिय नेता डाक्टर प्रकाशशरण महत लगायतले संवोधन गरेका थिए।
प्रकाशित मिति: सोमबार, पुस १३, २०७७ १९:५०
