काठमाडौ । इतिहासविद एवं वाङ्मय शताब्दी पुरुष सत्यमोहन जोशीको १०३औँ जन्मदिन आज परिवारिक रुपमा मात्र मनाइने भएको छ।
स्थानीय तहको निर्वाचनको दिन परेको र सवारी साधन आवतजावतमा समस्या भएकाले आफ्नो पारिवारका सीमित सदस्यबीच जन्मदिन मनाउन लागिएको जोशीका माइला छोरा हेमन्तले जानकारी दिएको हो।
केही दिनदेखि श्वासप्रश्वासमा समस्या आएपछि उनलाई समय समयमा अक्सिजन दिनुपरेकाले पनि मतदानका लागि जान कठिन भएको उनले जानकारी दिए।
बुबालाई अहिले अरुको सहारामा पनि मतदान केन्द्रसम्म जान सक्ने अवस्था नभएको हेमन्तले बताए।
इतिहासविद एवं वाङ्मय शताब्दी पुरुष जोशीलाई कलाकर्मीहरू, विशिष्ट व्यक्तित्वहरू लगायत विभिन्न क्षेत्रबाट जन्माेत्सवकाे अवसरमा बधाई तथा शुभकामना व्यक्त गर्ने क्रम जारी छन् ।
प्रकाशित मिति: शुक्रबार, वैशाख ३०, २०७९ १३:४२
