मुस्ताङ । मुस्ताङ जिल्ला सदरमुकाम घरपझोङ गाउँपालिकामा नेपाली कांग्रेसका उम्मेदवार मोहनसिंह लालचन विजयी भएका छन् ।
लालचनले एमालेका सञ्जयकुमार थकालीलाई २ मतको अन्तररले हराउँदै विजयी भएको हो ।
मुस्ताङका मुख्य निर्वाचन अधिकृत रोमाकान्त ज्ञावालीका अनुसार कांग्रेस उम्मेदवार लालचनले ७६० मत ल्याएर वीजय प्राप्त गरेका हुन् भने एमालेका थकालीले ७५८ मत मात्रै ल्याएका थिएका थिए ।
त्यस्तै उपाध्यक्षमा कांग्रेसकी जमुना थापामगरले ६९३ मत पाएर जित हासिल गरेकी छन् भने उनका निकटतम् प्रतिद्वन्द्वी एमालेकी मिमकुमारी शेरचनले ६५८ मत प्राप्त गरेकी थिइन् ।
घरपझोङ गाउँपालिकामा १३ र ५ नम्बर वडाका वडाध्यक्ष यसअघि नै निर्विरोध निर्वाचित भइसकेका छन्।
तर, वडा–३ मा भने एमालेका खलेन्द्रप्रसाद थकाली र वडा–४ मा कांग्रेसका यमप्रसाद थकालीले जित हासिल गरेका छन्।
प्रकाशित मिति: शनिबार, वैशाख ३१, २०७९ ११:११
