प्युठान । प्युठान नगरपालिका-१ मा गठबन्धनका सबै उम्मेदवारले जित प्राप्त गरेका छन् ।
वडा अध्यक्षका उम्मेदवार कांग्रेसकी साधना राउत सहितको प्यानलै विजयी भएको हो ।
मतगणना अनुसार ९५३ मत ल्याएर राउत वडाअध्यक्षमा निर्वाचित भएका हुन् भने उनका निकटतम् प्रतिद्वन्द्वी नेकपा एमालेका गोविन्द बस्नेत (गोपाल)ले ७ सय ११ मत मात्र पाएका थिए ।
महिला सदस्य, दलित महिला सदस्य तथा खुला सदस्यमा समेत गठबन्धनका उम्मेदवार विजयी भएका छन् ।
यस नगरपालिकामा माओवादी केन्द्र र नेपाली कांग्रेसको चुनावी तालमेल छ ।
प्रकाशित मिति: शनिबार, वैशाख ३१, २०७९ १३:२९
