सुर्खेत । सुर्खेतको बराहताल १ मा माओवादीको प्यानलै विजयी भएका छन् ।
स्थानीय तह निर्वाचनको मत परिणाम सार्वजनिक हुँदै गर्दा बराहताल गाउँपालिका-१ मा नेकपा माओवादीका प्यानलै विजय भएको हो।
जम्मा मत ७ सय ४० खसेकोमा माओवादीका वमबहादुर बुडुवाल ‘तारा’ ले २ सय ७५ मत प्राप्त गरी विजयी भएका हुन्।
नेपाली काँग्रेसका उम्मेदवारले २ सय २८, नेकपा एमालेले १ सय ७५ मत प्राप्त गरे । अहिलेसम्मको मत परिणाम हेर्दा पालिका अध्यक्षमा पनि माओवादी अगाडि देखिएको छ ।
माओवादी केन्द्रबाट अध्यक्षको उम्मेदवार बनेका ईश्वरभक्त सुनारले २ सय ७७ मत पाउँदा उपाध्यक्ष भुमिसरा टोमटाले २ सय ८३ मत प्राप्त गरेकी छन् ।
यस्तै काँग्रेसका भीम भण्डारीले २ सय २८ र उपाध्यक्षमा लक्ष्मी पुनले २ सय २२ मत प्राप्त गरी माओवादीलाई पछ्याई रहेकी छन् ।
एमालेका अध्यक्ष उम्मेदवार घनश्याम पाण्डेले १ सय ७५ मत पाउँदा उपाध्यक्ष दुर्गा कुमारी विष्टले १ सय ९२ मत प्राप्त गरेकी छन् । वडा–१ मा मतगणना सकिएको छ । यसपछि वडा–२ को मतगणना हुने भएको छ ।
प्रकाशित मिति: शनिबार, वैशाख ३१, २०७९ १८:०७
