वीरगञ्ज । ठोरी गाउँपालिका-१ पर्साको अध्यक्षमा एमालेका धनमान थापा मगर निर्वाचित भएका छन्।
निर्वाचित थापा मगरले ६ सय ५१ मत ल्याएर निर्वाचित भएको निर्वाचन अधिकृतको कार्यालयले जानकारी दिएको हो।
थापा मगरको निकटम प्रतिद्वन्द्वी भन्दा २१ मत मात्रै बढी ल्याएर उनी निर्वाचित भएका हुन् ।
निकटम प्रतिद्वन्द्वी नेपाली कांग्रेसका नवराज फुँयालले ६ सय ३० मत प्राप्त गरेका थिए भने जनता समाजवादी पार्टीका तर्फबाट उम्मेदवार बनेका रामप्रकाश कुँवरले २० मत प्राप्त गरेका थिए।
कुवँर वडा–१ को निवर्तमान वडा अध्यक्ष हुन् । माओवादी केन्द्रबाट ०७४ सालको निर्वाचनमा उम्मेदवारी दिएका कुँवर ६ सय ८ मत ल्याएर निर्वाचित भएका थिए ।
प्रकाशित मिति: शनिबार, वैशाख ३१, २०७९ २१:३६
