चितवन । माडी नगरपालिका-१ चितवनको वडाध्यक्षमा राप्रपाका युवा नेता अमित लामा निर्वाचित भएका छन्।
बिहान सकिएको मतगणनामा लामाले १ हजार ४३३ मत प्राप्त गर्दै वडाध्यक्षमा निर्वाचित भएको हो । चिर्वाचित लामा यसअघि उनी सोही वडाको वडा सदस्य थिए।
वडाध्यक्षमा निर्वाचित लामाका निकटतम् प्रतिस्पर्धी नेपाली कांग्रेसका उम्मेदवार जीवन चौधरी गुरौले ९४३ मत ल्याएका थिए । एमाले उम्मेदवार टिकाराम सुवेदीले १२६ मत पाएका थिए ।
सो वडामा महिला सदस्यमा राप्रपाबाटै अप्सरा सुवेदी, दलित महिला सदस्यमा गुना धमला लोहार र खुल्ला सदस्यमा नेपाली कांग्रेसका जय नारायण लामिछाने र राप्रपाका दिपेन्द्र महतो निर्वाचित भएका छन् ।
प्रकाशित मिति: आइतबार, जेठ १, २०७९ ०७:४४
