उदयपुर। लिम्चुङबुङ गाउँपालिका उदयपुरको अध्यक्षमा नेकपा माओवादी केन्द्रका मेजर कुमार राई निर्वाचित भएका छन्।
मतगणना अनुसार राईले २ हजार ५१ मत ल्याएर पुन: अध्यक्षमा विजयी भएको हो । उनका निकटतम प्रतिद्वन्द्वी नेकपा एमालेका राजकुमार राईले १ हजार ५८९ मत प्राप्त गरेका थिए।
उपाध्यक्षमा नेपाली कांग्रेसका पुष्पलाल राई निर्वाचित भएका छन् । उनले १ हजार ९३३ मत प्राप्त गरेका थिए भने उनका निकटतम प्रतिद्वन्द्वी नेकपा एमालेकी देव कुमारी कार्कीले १ हजार ७३ मत प्राप्त गरेकी थिइन् ।
यसअघि ०७४ सालको निर्वाचनमा लिम्चुङबुङको अध्यक्षमा मेजर कुमार राई निर्वाचित भएका थिए भने उपाध्यक्षमा कांग्रेसकी रमिला राई निर्वाचित भएकी थिइन् ।
प्रकाशित मिति: आइतबार, जेठ १, २०७९ १५:३७
