झापा । गौरादह नगरपालिका-१ झापामा वडा अध्यक्षसहित नेकपा एमालेको प्यानल नै विजयी भएको छ।
नेकपा एमालेबाट उम्मेदवार बनेका नगेन्द्र भण्डारीले नेपाली कांग्रेसका इन्द्र गौतमलाई पराजित गर्दै वडा अध्यक्षमा निर्वाचित भएको हो।
निर्वाचित उम्मेद्वार भण्डारीले १ हजार ९ सय ९३ मत प्राप्त गरेका थिए भने गौतमले १ हाजर ७ सय ३१ मत प्राप्त गरेका छन्।
निर्वाचित भण्डारी सोही वडाका निवर्तमान वडा अध्यक्ष हुन्। त्यस्तै वडा सदस्यहरूमा एमालेका अन्जु निरौला, लक्ष्मी विक, केशर बहादुर खवास र जमुन राई निर्वाचित भएका छन् ।
प्रकाशित मिति: आइतबार, जेठ १, २०७९ १८:५८
