सोलुखुम्बु । थुलुङ दुधकोशी गाउँपालिका सोलुखुम्बुको अध्यक्ष र उपाध्यक्ष दुबैमा नेकपा माओवादी केन्द्रका उम्मेदवार विजयी भएका छन्।
मतगणना अनुसार नेकपा माओवादी केन्द्रका असिम राईले ४ हजार ४९ मत ल्याएर अध्यक्षमा निर्वाचित भएका छन् भने सविता राईले ३ हजार ८ सय मत ल्याएर उपाध्यक्षमा निर्वाचित भएकी हुन्।
नेपाली काँग्रेसबा अध्यक्षका उम्मेद्वार वीरबहादुर गुरुङले ३ हजार ५ सय ११ मत पाएका थिए भने उपाध्यक्षमा एक कुमारी बस्नेत कार्कीले ३ हजार ५ सय २३ मत प्राप्त गरेकी थिइन् ।
त्यस्तै, नेकपा एमालेबाट अध्यक्षमा आङबाबु राईले १ हजार ६ सय १ मत प्राप्त गरेका थिए भने उपाध्यक्षका उम्मेदवार कल्पना गिरीले १ हजार ७ सय ४६ मत पाएकी थिइन् ।
गाउँपालिकाका ९ वडा अध्यक्षमा माओवादीले ४ वडा जितेको छ भने काँग्रेसले ५ वडा अध्यक्ष जितेको छ।
प्रकाशित मिति: आइतबार, जेठ १, २०७९ २१:४८
