दाङ । बंगलाचुली गाउँपालिका दाङको अध्यक्षमा माओवादी केन्द्रका तुलसीराम पुन (सुवास) र उपाध्यक्षमा नेपाली कांग्रेसका भक्तबहादुर जीसी विजयी भएका छन् ।
पुन ५ हजार ७४९ मत प्राप्त गरेर अध्ययक्षमा विजयी भएका हुन् भने निकटम प्रतिस्पर्धी नेकपा एमालेका उम्मेदवार भेषराज खत्री २ हजार ७१ मत अन्तरले पराजित भएका छन् । खत्रीले ३ हजार ६७८ मत प्राप्त गरेका थिए।
त्यस्तै, उपाध्यक्षमा नेपाली कांग्रेसका भक्तबहादुर जिसी विजयी भएका छन् भने उनले ५ हजार ९ सय ४५ मत प्राप्त गरेका थिए भने एमालेकी उम्मेदवार सरस्वती घर्तीले ३ हजार २६५ मत प्राप्त गरेकी थिइन्।
२०७४ सालको स्थानीय तह निर्वाचनमा बंगलाचुलीमा अध्यक्ष र उपाध्यक्ष दुवै पद माओवादी केन्द्रले जितेको थियो।
यसपटक भने कांग्रेस र माओवादी केन्द्रले तालमेल गरेको ८ वटा वडाहरुमध्ये कांग्रेस र माओवादीले ४/४ वटा वडा जितेका छन्। बंगाचुलीमा कूल १० हजार ७ सय मत खसेको थियो ।
प्रकाशित मिति: सोमबार, जेठ २, २०७९ ०८:१८
