गोरखा । आरुघाट गाउँपालिका गोरखाको अध्यक्ष र उपाध्यक्ष दुबै पदमा कांग्रेसका उम्मेदवार निर्वाचित भएका छन्।
निर्वाचित अध्यक्षमा निर्वाचित राजु गुरुङ ५ हजार ५ सय ५६ मत ल्याएर विजयी बनेका हुन् भने उपाध्यक्षमा कल्पना नेपाली ५ हजार ६ सय ३१ प्राप्त गरेर जित हासिल गरेकी छन् ।
अध्यक्षका प्रतिस्पर्धी नेकपा एमालेका कृष्ण बहादुर नेपालीले ४ हजार ८ सय ३३ मत ल्याएका थिए भने उपाध्यक्षका प्रतिस्पर्धी एमालेकी उम्मेदवार सिता दाहालले ३ हजार ८ सय १६ मत प्राप्त गरेकी थिइन्।
नेपाली २०७४ सालको स्थानीय तह निर्वाचनमा पनि उपाध्यक्षमा निर्वाचित भएकी थिइन् ।
प्रकाशित मिति: सोमबार, जेठ २, २०७९ ०९:२९
