काभ्रे । भुम्लु गाउँपालिका काभ्रेको अध्यक्षमा माओवादी केन्द्र र उपाध्यक्षमा नेपाली कांग्रेसका उम्मेदवार निर्वाचित भएका छन्।
बिहान सार्वजनिक भएको अन्तिम मत परिणाम अनुसार माओवादी केन्द्रका प्रेम भुजेल ५ हजार ७ सय ९२ मतसहित गाउँपालिका अध्यक्षमा निर्वाचित भएकाे हाे।
भुजेलका निकटतम प्रतिद्वन्दी नेकपा एमालेका प्रेम लामाले ४ हजार ५ सय ६८ मत प्राप्त गरेका थिए।
उपाध्यक्ष पदमा भने नेपाली कांग्रेसका जितेन्द्रमान तामाङ (दावा लामा) ६ हजार ९८ मतसहित निर्वाचित भएका छन् भने उनका प्रतिस्पर्धी नेकपा एमालेकी कल्पना श्रेष्ठले ४ हजार २९ मत प्राप्त गरेकी थिइन्।
काभ्रे पलाञ्चाेक जिल्लाका १३ वटा स्थानीय तहहरुमध्ये भुम्लु नतिजा सार्वजनिक गर्ने पहिलो पालिका बनेकाे छ।
प्रकाशित मिति: मंगलबार, जेठ ३, २०७९ १०:००
