लमजुङ । बेसीशहर नगरपालिका लमजुङको मेयर र उपमेयरमा नेकपा एमाले विजयी भएको छ।
नेकपा एमालेबाट मेयरमा गुमानसिंह अर्याल र उप मेयरमा पदमा गुरुङ निर्वाचित भएको हो।
मेयर पदमा निर्वाचित अर्यालले ९ हजार ४ सय ७९ मत ल्याएका थिए भने उनका प्रतिद्वन्दी नेपाली कांग्रेसका श्रीकान्त घिमिरेले ७ हजार ४ सय ७१ मत पाएका थिए।
यसअघिको २०७४ सालको स्थानीय तहको निर्वाचनमा पनि अर्याल नै मेयरमा निर्वाचित भएका थिए।
उप मेयर पदमा निर्वाचित गुरुङले ८ हजार ७ सय १४ मत पाएका थिए भने उनको निकटतम् प्रतिद्वन्दी नेकपा माओवादी केन्द्रका हरिजङ तामाङले ४ हजार ६ सय ९९ मत ल्याएका थिए ।
प्रकाशित मिति: मंगलबार, जेठ ३, २०७९ १३:३५
