माडी, चितवन । माडी नगरपालिकाकाे मेयर पदमा नेकपा एमालेले विजय हासिल गरेको छ।
नेकपा एमालेले माडीमा गठबन्धनका उम्मेदवारलाई हराएर मेयर पदमा जित हासिल गरेकाे हाे।
मेयर पदमा एमालेका तारा कुमारी काजी महतो ९ हजार ९ सय १ मतकासाथ निर्वाचित भएकी छन् भने उनका निकटतम प्रतिद्वन्द्वी माओवादीका ऋषिराम काफ्लेले ७ हजार ७ सात २९ मत प्राप्त गरेका छन्।
त्यस्तै उप मेयर पदमा नेपाली काँग्रेसका खेमप्रसाद महताेले ६ हजार ८ सय ३० मतसहित निर्वाचित भएका छन् ।
राप्रपाका मदनप्रसाद पाैडेल ५ हजार १ सय ४० मत मात्र प्राप्त गरे । माडी नगरपालिकामा पाँच दलीय गठबन्धन र एमाले–राप्रपाबीच भिडन्त भएकाे थियाे ।
प्रकाशित मिति: मंगलबार, जेठ ३, २०७९ १७:१२
