धनुषा । कमला नगरपालिका धनुषामा जसपाका जिल्ला अध्यक्षलाई पराजित गर्दै कांग्रेसका उम्मेदबार निर्वाचित भएको छ।
प्रमुख पदमा विशेश्वर यादवले जसपाका पशुपति यादवलाई १ हजार २८ मतान्तरले पराजित गर्दै निर्वाचित भएको हो।
निर्वाचित विशेश्वरले ३ हजार ८८७ मत पाउँदा पशुपतिले २ हजार ८ सय ५९ मत मात्र प्राप्त गरेका थिए।
उप प्रमुख पदमा पनि नेपाली कांग्रेसकै उम्मेदवार शिलादेवी मण्डल ३ हजार ८ सय ८७ मत ल्याएर निर्वाचित भएको छ भने उनको निकटतम प्रतिद्वन्द्वी जसपाकी पुनिता कुमारीले २ हजार ७ सय ६६ मत मात्र पाएको छ ।
प्रकाशित मिति: बिहीबार, जेठ ५, २०७९ १७:२३
