काभ्रेपलाञ्चोक । बेथानचोक गाउँपालिका काभ्रेपलाञ्चोकको अध्यक्ष पदमा गठबन्धनको तर्फबाट नेपाली कांग्रेस र उपाध्यक्षमा नेकपा (माओवादी केन्द्र) विजयी भएका छन् ।
उक्त गाउँपालिकाको अध्यक्ष पदमा कांग्रेसका भगवान अधिकारी र उपाध्यक्ष पदमा माओवादीका तारा राना तिमल्सिना विजयी भएको हो।
अन्तिम मतगणना अनुसार अध्यक्ष पदमा अधिकारीले ६ हजार १९ मत प्राप्त गरेर विजयी भएको हो भने उनका निकटतम प्रतिस्पर्धी नेकपा (एमाले) का कलमप्रसाद तिमल्सिनाले ३ हजार १ सय ६० मत प्राप्त गरेका थिए।
त्यस्तै उपाध्यक्षमा निर्वाचित तिमल्सिनाले ४ हजार ४ सय ९८ मत प्राप्त गरेर विजयी भएको छ भने उनका निकटतम प्रतिस्पर्धी एमालेका सरला लामिछानेले ३ हजार ५ सय ७३ मत प्राप्त गरेका थिए।
त्यसैगरी वडामा क्रमशः वडा–१ मा कांग्रेसका मधुसुधन तिमल्सिना, २ मा कांग्रेसकै पुरुषोत्तम तिमल्सिना, ३ मा कांग्रेसका कुबेर ढकाल, ४ मा कांग्रेसकै कृष्णबहादुर लामा निर्वाचित भएको छ ।
वडा–५ मा स्वतन्त्र उम्मेदवार राजकुमार वाइबा र वडा–६ मा कांग्रेसका विष्णु तामाङले जित हासिल गरको छ ।
प्रकाशित मिति: शुक्रबार, जेठ ६, २०७९ २१:५२
