काठमाडौं । नेपालकै पहिलो रेस्लिङ् खेलाडी भगवती खड्का (यनिका) को सशक्त आवाजमा 'बलात्कारीलाई फाँसी दे' नयाँ गीतभिडियो सार्बजनिक भएको छ ।
विशेष कार्यक्रमको आयोजना गरि उक्त 'बलात्कारीलाई फाँसी दे' नामक गीतभिडियोलाई गायिका तथा नायिकाकै रेस्लर युनिका युट्युवच्यानेलमार्फल सर्वत्र सार्बजनिक गरिएको हो ।
सार्बजनिक 'बलात्कारीलाई फाँसी दे' गीतभिडियोमा बलात्कारबाट शिकार भएका तमाम नारीहरुमा समर्पित सामाजिक जनचेतनामूलक सन्देशलाई सशक्त ढङ्गले उजागर गरिएको छ।
देशमा भइरहेको महिलामाथिको अन्याय, अत्याचार र सामाजिक कुरितीलाई जरैदेखि नउखेलेसम्म महिला मुक्ति सम्भव छैन भन्ने सन्देश प्रवाह गरेको यस 'वलात्कारीलाई फाँसी दे' गीतभिडियोका कलाकारहरुमा नेपालकै पहिलो महिला रेस्लर खेलाडी (युनिका) र अर्की महिला रेस्लर खेलाडी अस्मिता जुरेलीको सशक्त अभिनय रहेको छ।
सञ्जय खड्का, लाेकसरी कुँवर र जीवी क्षेत्रीकाे शब्द रचना रहेकाे यस गीतभिडियाेमा संगीत रहेको छ नरहरी प्रेमीको भने संगीत संयोजन रहेको छ सञ्जय हमालको। त्यस्तैगरी सम्पादन, छायाङ्कन तथा कलरिङ रहेको छ मन्दिरा शर्माको भने भिडियो निर्देशन समेत रहेको छ स्वयम् शर्माकै।
बलात्कारीलाई फाँसी दे’ का गायिका, नायिका, मोडल तथा रेस्लर खेलाडी भगवती खड्का (युनिका) ले यसअघि ‘हामी खस क्षेत्री’, नामक देशप्रेमयुक्त गीतभिडियोमा आवाज दिनुका साथै निर्देशन समेत गरिसकेकी छन्।
प्रकाशित मिति: बिहीबार, जेठ २६, २०७९ २२:५५
