काठमाडौ । देशभक्तिपूर्ण चलचित्र 'काँडेतार' को आक्रमक टिजर रिलिज ओएसआर डिजिटलबाट रिलिज गरिएको छ।
जनताद्वारा, जनताका लागि सिमानामा 'काँडेतार' मा By the People, For the People "Barbed Wire" on the Border स्लोगन राखिएको छ।
सिमानामा काँडेतार बारले मुलुक बिचका नागरिक र भूमिको संरक्षण मात्रै गर्दैन असल छिमेकीसँगको सद्भाव कायम राख्छ भन्ने कथासार रहेकोछ।
विगतदेखि नै देशभक्तिपूर्ण चलचित्रहरू दशगजा, आवाज, भिमदत्त जस्ता निर्माण गर्दै आईरहेका नवल खड्काले नै काँडेतारको निर्देशन र निर्माण गरेका हुन्।
यसमा मुख्य कलाकार : नवल खड्का , गौरब पहाडी , सुरबिना कार्की, रेबिका गुरूङ्ग, प्रशान्त यादब, मुरलिधर, संजय खतिवडा, रोमियन लिम्बू , केशव रायमाझी, राजेन्द्र भगत, पन्नालाल सिकदार, पर्शुराम चौधरी, महेश गिरी, पुष्प श्रेष्ठ, रितु चौधरी, रबि शाह, ज्ञानेन्द्र कोईराला, प्रेम कार्की र बालकलाकार नादिया खड्का र सनया खड्का आदिको अभिनय गरेका छन्।
गायिका सत्यकला राई कार्यकारी निर्माता रहेकी छन् भने माकिको राई र अन्जु केसि निर्माता रहेकी छन्।
शिवम अधिकारी र नवल खड्काको लेखन, सौरभ लामाको छायांकन, श्री श्रेष्ठको द्वन्द निर्देशन, कविराज गहतराजको नृत्य निर्देशन, तारा थापा किम्भे र बन्दे प्रसादको सम्पादन र मणि थापा र दिपक शर्माको संगित रहेको छ।
देशभक्ति पूर्ण चलचित्रलाई सबै पक्षबाट सकारात्मक सहयोग र साथको अपेक्षा राखिएको नवल खड्काले बताउदै आएका छन्।
करिव तीन करोडको लगानीमा निर्माण भएको यस चलचित्र 'काँडेतार' को रिलिज डेट भने तोकी नसकिएको नायक नवल खड्काले नामीन्यूज डटकमलाई बताए।
