काठमाडौ । गायक सजल न्यौपाने र गायिका प्रविशा अधिकारीको युगल आवाजमा शास्त्रीय सङ्गीत समिश्रण शैलीको ‘अलिअलि तिमीसँग’ बोलको म्युजिक भिडियो सार्वजनिक भएको छ ।
नायक आकाश श्रेष्ठ र पूजा गिरीको अति रोमाञ्चक अभिनय रहेको ‘अलिअलि तिमीसँग’ बोलको म्युजिकभिडियोलाई सक्रिय क्रियशन युटुयुव च्यानलमार्फत सार्वजनिक गरिएको हो।
जवानीको प्रेम र आकर्षणको तीव्र चाहनालाई उजागर गरिएको गीतमा हाल अस्ट्रेलियामा रहेका गीतकार सक्रिय श्रेष्ठको शब्द रचना रहेको छ जसमा गायक न्यौपानेकै सङ्गीत रहेको छ।
निर्देशक निकेश खड्काकाे निर्देशन रहेकाे यस गीतमा विकास धमलाकाे सम्पादन रहेको छ। त्यस्तैगरी गीतको एरेञ्ज रिदम कँडेलले गरेका छन् भने छायाङ्कन बुद्ध थापाको रहेको छ।
म्युजिक भिडियोमा ‘तिमीलाई ठेस लाग्दा’, ‘सातै जुनी साथ दिन्छु भनी भन्नु पर्छ र ?’, ‘नियाली हेर मेरा भावना ’ लगायत बोलका गीतहरु समावेश छन्।
गीतकार श्रेष्ठको शब्दमा यसअघि ‘कुरा नगरेकै जाति’ र ‘सपनाको रङ्ग’ बोलको म्युजिकभिडियो सार्वजनिक भइसकेका छन्।
प्रकाशित मिति: सोमबार, जेठ ३०, २०७९ १२:१२
