काठमाडौ । गीत संगीत जीवनका अनन्त सहयात्रीहरु हुन् भन्दा परक पर्दो रहेनछ । यसबाट बनेको सांगीतिक धुनको संयोजनले दिएको आनन्दबाट हरेक मानिसले एकछिन भएपनि आफूलाई भूलाउन सक्छ र रमाउन सक्छ।
गीत र संगीतले हरेक मानिसलाई सजिलै छुन सक्छ भन्ने कुराको उदाहरण डा. उत्तम खनाललाई लिन सकिन्छ। खनाल अध्ययनका हिसावले अर्थशास्त्र विषयका एउटा चिरपरिचित अर्थ विज्ञका रुपमा रहेको छ।
नेपालको अर्थ राजनीति विषयमा शसक्त रुपमा कलम चलाउन रुचाउने खनाल अनुसन्धान तहका विभिन्न विधाहरु लगायत अन्तराष्ट्रिय जर्नलमा काम गर्दै जसरी आफूलाई एउटा अब्बल मानिसका रुपमा परिचित रहँदै आएको छ। त्यसरी नै उनको कलमले साहित्यको क्षेत्रलाई छोड्न सकेको छैन ।
बरु उनले आफ्नो बचेको समयमा सशक्त शब्दहरुले भरिएका गीतहरु रचना गर्दै जानु, कविता लेख्नु पनि अर्को विशेषता रहेको छ।
अर्थ विज्ञ डा. खनालको गीति यात्रालाई संगीत र मिठो स्वर दिएर सजाउने काम काठमाडौका मनराजा नकर्मी र झापा जिल्लाकी पवित्रा वलीले सहयोग गर्दै आएको छ।
मनराजा नकर्मी रेडियो नेपालमा वरिष्ठ संगीतकार रुपमा कार्यरत छन् भने अहाँले सयौं मर्मस्पर्शी गरेर आम सांगीतिक क्षेत्रमा चिररिचित छन्।
झापा जिल्ला घर भएकी सुमधुर स्वरकी धनी एवं रेडियो नेपालबाट स्वर परीक्षा उतिर्ण पश्चात लामो समयदेखि गायन क्षेत्रमा अब्बल स्थान बनाउन सफल व्यक्तित्व पवित्रा वलीले साथ दिएकी छन्।
“सपनीमा आउने रहर विपनीमा साट्न हुन्न, मन मिल्ने साथीलाई मनैदेखि ढाँट्न हुन्न” बोलको गीत हालै सार्वजनिक भएको छ।
यसमा पवित्रा वलीको निकै मिठो स्वर सुनिएको छ भने शब्द र संगीतले थपेको मिठासपन अविस्मरणीय रहेकाले मनमा बस्न सफल हुनेछ।
प्रकाशित मिति: बुधबार, असार १, २०७९ १६:४७
