काठमाडौ । कोकिल कण्ठ स्वरकी धनी गायिका इन्दिरा भट्टराईको आवाजमा 'सिंहदरवार झ्यालैमा ऐना' नामक म्यूजिक भिडियो सार्बजनिक भएको छ ।
'सिंहदरवार झ्यालैमा ऐना' म्यूजिक भिडियोलाई प्रियसी म्यूजिक युट्युवच्यानेलमार्फत सर्बत्र सार्बजनिक गरिएको हो जसमा प्रियसी म्युजिक प्रा.लि को मौलिक प्रस्तुति रहेको छ ।
मोहन थापाको शब्द रचना रहेको यस 'सिंहदरवार झ्यालैमा ऐना' बोलको डान्सिङ गीतमा बहुचर्चित अभिनेता आकाश श्रेष्ठ र उत्कृष्ट मोडल उषा उप्रेतीको सशक्त र आकर्षक अभिनय रहेको छ।
प्रिज्म रेकर्डिङ स्टुडियोमा रेकर्ड गरिएको यस म्यूजिकभिडियोमा निर्देशक बबिता श्रेष्ठले निर्देशन गरेका छन् भने नृत्य निर्देशक देबेन्द्र पाण्डेको कोरियाेग्राफर रहेको छ ।
त्यस्तैगरी करण चैसिरको छायांकनमा रहेको छ भने मिन रावलको सम्पादन तथा नरेन्द्र वियोगीद्वारा गीत एरेञ्ज गरिएको यस म्यूजिक भिडियोमा मिक्स तथा मास्टरिङ् श्याम श्वेत रसाइलीले गरेका छन्।
'लेकबेँसीका सुसेलीले' गीतबाट गीतसंगीतमा ख्याती कमाएकी गायिका भट्टराईले ७ वटा देउडा भाका गीत, ‘चेलीको व्यथा, ‘काठमाडौंको माइक्रो बसैमा’ ‘मायाको घर‘, ‘न्यूरोडमा एक्सिडेन्ट‘ 'तिमी विना' लगायत दर्जनौं मार्मिक गीतहरु गाइसकेकी छन् जुन चर्चाका शिखरमा छन् ।
प्रकाशित मिति: मंगलबार, असार २१, २०७९ १२:२०
