काठमाडौ । राष्ट्रिय खेलकुद परिषद् तालिम तथा प्रशिक्षण विभाग अन्तर्गत कार्यरत नायव वरिष्ठ भलिबल प्रशिक्षक जयन्द्र बहादुर चन्दलाई बिदाई गरेको छ ।
आज एक कार्यक्रमको आयोजना गरी नायव वरिष्ठ भलिबल प्रशिक्षक चन्दलाई विभागका निर्देशक अर्जुन बिकले मायाको चिनोले सम्मान गर्दै बिदाई गरेको हो।
भलिबल प्रशिक्षक चन्दलाई पूर्व निर्देशक एवम् वरिष्ठ भलिबल प्रशिक्षक हरिहर श्रेष्ठले सम्मान पत्र प्रदान गरेका थिए भने सोही अवसरमा अर्का पूर्व निर्देंशक पार्थ सारथी सेन गुप्तको पनि उपस्थिति रहेको थियो।
विसं. २०५२ आश्विन १ गते राष्ट्रिय खेलकुद परिषदमा भलिबल सहायक प्रशिक्षकको रुपमा सेवा प्रवेश गरेका चन्दले उमेर हदका कारण आजबाट अनिवार्य अवकास प्राप्त गरेका हुन् ।
चन्दलाई सम्मान सहित बिदाई गर्दै निर्देशक बिकले लामो समय एकै ठाउँमा कार्य गर्दा सेवाका सिलसिलामा कहिले काँही तितामिठा कुरा भए त्यसलाई मनमा नलिन अवकास प्राप्त गर्दै गरेका चन्दको अनुभवलाई आगामी दिनमा पनि खेलकुदको विकास र विस्तारमा प्रयोग गर्ने बताए ।
यस्तै अवकास प्राप्त गर्दै गरेका चन्दले सेवाका सिलसिलामा भएका गल्ती कमजोरीलाई अन्तर्मनमा नलिन भन्दै खेलकुदको विकास र विस्तारमा आफू सदा सर्वदा लागीपर्ने बताएका थिए ।
बिदाई कार्यक्रम समारोहमा विभाग अन्तर्गतका उपनिर्देशक, प्रशिक्षक तथा कर्मचारीहरुको उपस्थिति रहेको थियो।
प्रकाशित मिति: मंगलबार, असार २१, २०७९ २१:०१
