काठमाडौ । गायिका प्राश्ना शाक्यको पहिलो गीत रचना तथा संगीत रहेको 'तिमी नै भन' लिरिकल भिडियो विश्वबजारमा सार्बजनिक भएको छ।
गायिका शाक्यको आफ्नै आवाज रहेको उक्त 'तिमी नै भन' लिरिकल भिडियोलाई गायिका स्वयम् कै प्राश्ना शाक्य नामक अफिसियल युट्यूवच्यानलमार्फत संसारभर सार्बजनिक गरिएको हो ।
सानै उमेरदेखि नै गायन यात्रामा होम्मिएकी गायिका शाक्यको सुमधुर आवाज रहेको गीतहरु हालसम्म पाँच सयको हाराहारीमा बजारमा आइसकेको छ। जसमध्ये पप, लोक, आधुनिक र दर्जनभन्दा बढी फिल्मी गीतहरु पर्दछन् ।
गायिका शाक्यको 'मलाई आवाज देउ', 'हाम्रो गाउँले जीवनु, 'बादल वर्षा विजुलीु, 'बाटोमुनिको फूल -ओइलाएको फूल, 'आँखामा आएर (वेवी आइ लभ यु) र 'लाहुरे टु' जस्ता कैयौ गीतहरु सुपरहिट छन् ।
पप प्याटनमा आधारित अत्यन्तै सुन्दर रचना तथा सुमधुर सुरसंगीतमा निर्मित 'तिमी नै भन' मार्मिक लिरिकल भिडियोमा एरेञ्ज निरज श्रेष्ठको रहेको छ भने गिटारमा रोशन शर्माले साथ दिएका छन् ।
'गीतहरु त धेरै गाइसकेँ तर रचना भने यो मेरो पहिलो गीत रचना हो, लकडाउनको अवशरलाई खेर नफाली बडो मेहनतकासाथ गीत रचना गरेको हँ' गायिका शाक्यले भने, 'यो गीत सुनेर श्रोताहरुले मन पराईदिनु हुनेछ र मलाई गीत लेखनमा अझ थप उर्जा मिल्नेमा म विश्वस्त छु।'
प्रकाशित मिति: सोमबार, वैशाख २७, २०७८ २३:०९
