काठमाडौ । नेपाली लोकदोहोरी जगतका होनहार मोडल तथा नम्बरी नायिका रञ्जिता गुरुङ र शिवन पोखरेलको अभिनयमा 'नरोइ बस है...' गीतको म्यूजिक भिडियो सार्बजनिक भएको छ ।
'नरोइ बस है...' म्यूजिक भिडियोका बालकलाकारहरुमा बृषा बराल, सहारा बस्नेत र पुकार श्रेष्ठको संलग्नता रहेको छ भने सपोर्टर कलाकारहरुमा कुलवहादुर ओली, पदम प्रसाद भट्टाराई र सम्झना शाह रहेको छ ।
विदुर अप्गाईँ प्रोड्यूसर तथा निर्देशक देबेन्द्र पाण्डेको निर्देशनमा निर्माण भएको अत्यन्तै मर्मस्पर्षि यस म्यूजिकभिडियोमा राजेन्द्र कँडेल र शान्ति श्री परियारको मार्मिक आवाज रहेको छ ।
त्यस्तैगरी गीतको शब्द रचना तथा संगीत प्रशान्त पौडेलको रहेको छ भने एरेञ्ज रहेको छ दीपकराज विश्वकर्माको। भिडियो सम्पादन तथा कलरमा डिनशन शाह, क्यामेरामा विपिन क्षेत्री र ड्रोनमा शौगात धिताल रहेको छ ।
प्रकाशित मिति: बुधबार, वैशाख २९, २०७८ १५:०७
