काठमाडौं । माध्यमिक शिक्षा परीक्षा (एसइई)को नतिजा सार्वजनिक भएको छ।
राष्ट्रिय परीक्षा बोर्ड बैठकपछि नतिजा प्रकाशित गरिएको बोर्डका परीक्षा नियन्त्रक अर्जुन रायमाझीले जानकारी दिएको हो।
बोर्डका परीक्षा नियन्त्रक रायमाझीले नतिजा विभिन्न वेबसाइटबाट हेर्न सकिने जानकारी समेत दिएका छन्।
एसइई परीक्षा गत वैशाख ९ गतेदेखि बोर्डले भौतिक उपस्थितिमै लिएको थियो। बोर्डका अनुसार करिब ५ लाख विद्यार्थीले परीक्षा दिएका थिए।
यसअघिका दुई वर्ष कोभिड-१९ महामारीका कारण आन्तरिक मूल्यांकनबाट नतिजा प्रकाशित गरिएको थियो।
प्रकाशित मिति: बुधबार, साउन ११, २०७९ १६:३२
