काठमाडौ । एक महिना अघि मालदिभ्समा आयोजना भएको ५४ एशियन शारिरीक सुगठन तथा फिजिक स्पोर्टस् च्याम्पियनसिपमा पदक विजेता खेलाडीहरु र सदस्य सचिवविच भेटवार्ता भएको छ ।
पदक विजेता खेलाडीहरु र सदस्य सचिवविच आज राष्ट्रिय खेलकुद परिषदका सदस्य सचिव टंकलाल घिसिङसँग भेटवार्ता भएको हो । भेटवार्ता गर्ने खेलाडीहरुमा उमेश राई, राजु राई र सुजिता मानन्धर रहेका छन् ।
श्रावण ४ गतेदेखि भएको च्याम्पियनसिपमा नेपालका २ पुरुष र १ महिला गरि ३ खेलाडीहरुले सहभागिता जनाएकोमा खेलाडीहरुले १ रजत र १ कास्य पदक हासिल गर्न सफल भएका थिए ।
जसमा उमेश राईले ८० केजी तौल समूहमा रजत र फिटनेश फिजिकको १७० से.मि.मा राजु राईले कास्य पदक प्राप्त गरेका थिए भने महिला एथलेटिक फिजिकमा प्रतिस्पर्धा गरेकी सुजिता मानन्धरले छैठौ स्थान हासिल गरेकी थिईन्।
त्यसैअवसरमा नेपाल शारिरीक सुगठन संघले राष्ट्रिय खेलकुद परिषद्का सदस्य सचिवलाई मालदिभ्समा आयोजना भएको ५४औं एशियन शारिरीक सुगठन तथा फिजिक स्पोर्टस् च्याम्पियनसिपका विविध पक्षलाई समेटेर तयार पारिएको प्रतिवेदन नेपाल शारिरीक सुगठन तथा फिजिकल फिटनेशका अध्यक्ष राशेजबाबु श्रेष्ठले सदस्य सचिवलाई बुझाएका हुन् ।
सोही कार्यक्रमको अवसरमा संघका वरिष्ठ उपाध्यक्ष विजयलाल कायस्थ, उपाध्यक्ष दिनेश राजभण्डारी र महासचिव राजन श्रेष्ठको उपस्थिति रहेको थियो ।
अब हुने ५५औं संस्करण नेपालमा आयोजना हुने कार्यक्रम रहेको छ ।
प्रकाशित मिति: बुधबार, भदौ १, २०७९ २१:२०
