काठमाडौ । धितोपत्र बजारमा शेयर कारोबार मापक नेप्से परिसूचक आज उच्च अङ्कले ओरालो लागेको छ ।
नेपाल स्टक एक्सचेञ्जका अनुसार नेप्से परिसूचक ३८ दशमलव ८१ अङ्कले ओरालो लागेर एक हजार आठ ३७ दशमलव ६० मा ओर्लेको हो।
यस्तै ठूला कम्पनीको कारोबार मापक गर्ने सेन्सेटिभ परिसूचक सात अङ्कले ओरालो लागेर तीन सय ५८ दशमलब ८७ मा सीमित भएको छ।
कूल २ सय ३१ कम्पनीको ३८ लाख ५६ हजार पाँच सय ३८ कित्ता शेयर १ अर्ब २२ करोड ९६ लाख ६९ हजार ७ सय २२ मूल्यमा खरिद बिक्री भए। नेप्सेका अनुसार आज कारोबार भएका १३ वटै उपसमूहको शेयर मूल्यमा गिरावट आएको छ।
कारोबारका आधारमा हिमालय डिस्टिलरी शीर्ष स्थानमा छ । सो कम्पनीको ५ करोड ६५ लाख ३३ हजार ८ सय २९ बराबरको कारोबार भयो भने रिडी हाइड्रो पावर ५ करोड ३५ लाख १३ हजार ७ सय ४९, नवील बैंक रु ४ करोड ७३ लाख ६५ हजार १ सय ८०, अरुण काबेली पावर ३ करोड २६ लाख २ हजार ७ सय ५८ र अपि पावर कम्पनी ३ करोड ४ लाख ३७ हजार ५ सय ७९ बराबरको कारोबार भई शीर्ष पाँच भित्र पर्न सफल भएका छन् ।
नेप्सेका अनुसार, स्वाभिमान लघुवित्त ३ दशमलव ९२, एनएमबी–५० ३ दशमलव ८७, आर्दश लघुवित्त २, तेह्रथुम पावर कम्पनी १ दशमलब ९१ र सिभिल लघुवित्तका लगानीकर्ताले १ दशमलव ३८ प्रतिशतले कमाएका छन् ।
यस्तै कालिका पावरको शेयर मूल्यमा १० प्रतिशतले गिरावट देखिएपछि नकारात्मक सर्किट लागेको छ भने बरुण हाइड्रोपावर ८ दशमलव १९, ग्रीन डेभलपमेन्ट बैंक ७ दशमलव ९४, समृद्धि फाइनान्स ६ दशमलव ७२ र अप्पर सोलु हाइड्रोपावरका लगानीकर्ताले ६ दशमलव ५६ प्रतिशतले गुमाएका छन् ।
प्रकाशित मिति: मंगलबार, असोज ४, २०७९ १६:३८
