काठमाडौ । नेपाल महिला रेस्लिङ फाउण्डेशनको आयोजनामा अन्तर्राष्ट्रिय रेस्लिङ प्रतियोगिता यही शनिबार हुने भएको छ।
विजयादशमी तथा तिहारको उपलक्ष्यमा हुन लागेको प्रतियोगितामा नेपालसहित ४ राष्ट्रका १५ रेस्लरको सहभागिता रहने फाउण्डेशनकी अध्यक्ष भगवती खड्का (युनिका) ले जानकारी दिएको हो ।
नेपालबाट ११, अमेरिका र भारतबाट समान १–१ तथा पाकिस्तानबाट २ रेस्लर सहभागी हुनेछन् । जम्मा सात वटा भिडन्त हुनेछ।
आयोजित उक्त एकदिने अन्तर्राष्ट्रिय रेस्लिङ प्रतियोगिताको खेल भृकुटीमण्डपमा हुनेछ ।
प्रकाशित मिति: बिहीबार, असोज ६, २०७९ २२:५४
