काठमाडौ । डेङ्गु सङ्क्रमण ७७ वटै जिल्लामा फैलिएको छ ।
डेङ्गुबाट हालसम्म ४७ जनाको मृत्यु भएको स्वास्थ्य तथा जनसङ्ख्या मन्त्रालयले जनाएको छ ।
गत साउनदेखि हालसम्म ३८ हजार ९ सय १८ जनामा डेङ्गु पुष्टि भएको छ । डेङ्गु सङ्क्रमण रोक्न प्रतिकार्यका कार्य तीव्र पारिएको मन्त्रालयले जनाएको छ ।
मन्त्रालयका अनुसार ५२ जनामा कोरोना सङ्क्रमण पुष्टि भएको छ । एक हजार ७६३ नमूना परीक्षण गर्दा सो सङ्ख्यामा कोरोना सङ्क्रमण पुष्टि भएको हो ।
आज १६ जना कोरोना सङ्क्रमणमुक्त भएका छन् भने सक्रिय सङ्क्रमितको सङ्ख्या छ सय ६७ छ ।
नेपालमा हालसम्म १० लाख १ सय २३ जनामा कोरोना सङ्क्रमण पुष्टि भएको छ । नौ लाख ८७ हजार ४ सय ३८ कोरोना सङ्क्रमणमुक्त भएका छन् ।
बाह« हजार १८ जनाले कोरोना सङ्क्रमणबाट ज्यान गुमाएका छन् । आज ३० हजार आठ ७६ जनाले कोरोना सङ्क्रमण विरुद्धको खोप लगाएका छन् ।
हालसम्म २ करोड ३२ लाख ८ हजार चार सय ८४ जनाले खोपको पहिलो मात्रा, २ करोड २३ लाख २४ हजार ९ सय ३३ जनाले पूर्ण मात्रा र ७९ लाख ७२ हजार ७ सय ९१ जनाले अतिरिक्त मात्रा लगाएका छन् ।
प्रकाशित मिति: शनिबार, असोज २९, २०७९ १८:४८
