काठमाडौ । काठमाडौं महानगरपालिका-२४ वडास्थित स्थानीय मखँ त्वाःमा आज आयोजित रक्तदान कार्यक्रममा नेपाल स्वयंसेवी रक्तदाता समाजका केन्द्रिय अध्यक्ष तथा शतक रक्तदाता प्रेमसागर कर्माचार्यले १६६औं पटक रक्तदान गरेको छ।
आयोजित उक्त रक्तदान कार्यक्रम काठमाडौं महानगरपालिका-२४ वडाध्यक्ष बालकृष्ण श्रेष्ठ, महानगरीय प्रहरी वृत्त र जनसेवाका प्रमुख डिलबहादुर मल्लको बिशेषको आयोजनामा भएको हो ।
नेपाल स्वयंसेवी रक्तदाता समाज काठमाडौं महानगरपालिका-२४ वडासमितिका अध्यक्ष सुरेश सिलाकारको सभापतित्वमा सञ्चालित विशेष रक्तदान कार्यक्रमका प्रमुख अतिथि नेपाल स्वयंसेवी रक्तदाता समाजका केन्द्रीय अध्यक्ष एवं स्वयंसेवी शतक रक्तदाता प्रेमसागर कर्माचार्यलाई कार्यक्रमका विशेष अतिथि काठमाडौ महानगरपालिका-२४ का वडाध्यक्ष बालकृष्ण श्रेष्ठले खादा पहराई अभिनन्दन पत्र प्रदान गरि अभिनन्दन गरिएको थियो ।
साथै उक्त कार्यक्रमको संयोजनमा अहम् भूमिका निर्वाह गर्ने नेपाल स्वयंसेवी रक्तदाता समाज काठमाडौं महानगरपालिका-२० वडा नगरसमितिका अध्यक्ष राम रञ्जितलाई पनि खादा पहराई सम्मान गरिएको थियो।
आयोजित रक्तदान कार्यक्रममा महिला तथा पुरूष गरि जम्मा ४१ जनाले रक्तदान गरेका थिए भने स्वतःस्फूर्तरुपमा रक्तदान गर्ने स्वयंसेवी रक्तदाताहरूलाई प्रमुख अतिथि नेपाल स्वयंसेवी रक्तदाता समाजका केन्द्रीय अध्यक्ष एवं स्वयंसेवी शतक रक्तदाता कर्माचार्यले प्रशंसा पत्र प्रदान गरी धन्यबाद व्यक्त गरेका थिए ।
"रगत दिउँ जगत सुरक्षित राखौं" बिश्व रक्तदाता दिवस जून १४ को निमित्त विश्व स्वास्थ्य संगठन (WHO) बाट तय गरिएको नाराकासाथ कार्यक्रममा प्रमुख आतिथ्यता जनाएका नेपाल स्वयंसेवी रक्तदाता समाजका केन्द्रीय अध्यक्ष एवं स्वयंसेवी शतक रक्तदाता प्रेमसागर कर्माचार्यद्वारा १६६औं पटकको रक्तदान गरि समापन गरिएको थियो ।
प्रकाशित मिति: शनिबार, जेठ ८, २०७८ १९:१७
