काठमाडौ । गायक सुराच प्रसाई र अजर जंगमको युगल आवाजमा 'तिमी बाँचेर यो देश मर्छ भने तिमी बाँच्नुको कुनै अर्थ छैन' गीतको म्यूजिक भिडियो सार्वजनिक भएको छ ।
'अर्थ बन्छ नेपाल-२' को यस गीतमा गायक प्रसाइकै शब्द तथा संगीत रहेको राष्ट्रिय भावनाले ओतप्रोत यस गीतको लिरिकल भिडियोलाई सुराचप्रसाई अफिसियल युट्युबमार्फत आज विश्वभर सार्बजनिक भएको हो ।
देश, कोभिड माहामारीबाट गुज्रिरहेको यस प्रसव पिडाको अवस्थामा पनि राजनीतिक दलहरु भने सत्तामोहको खेलमा लाग्दा उनीहरुले देशप्रतिको भार र नागरिकप्रतिको जिम्मेवारीलाई कतिको बोध गरेका छन् त भन्ने भावलाई यस गीतमा खरो रुपमा उतारिएको छ।
दोस्रो चरणको महामारी शुरु भएपछि दृष्य खिच्न नसकिएकाले पछि पुन: भिडियो ल्याउने गरि हाललाई लिरिकल भिडियो मात्र सार्वजनिक गरिएको गायक प्रसाइले बताए । उनले यस अघि नै आफ्नै शब्द संगीतमा 'बन्छ नेपाल' बोलको सार्है मर्म स्पर्षि गीत सांगीतिक बजारमा ल्याइसकेका छन् ।
गायक तथा गीतकार प्रसाइको शब्द अनि संगीतमै 'जिन्दगीले हिसाब माग्छ' गीतका गायक अजर जंगमको 'तिरिमिरि' नामक गीत बजारमा ल्याए लगत्तै निकै हिट खाएको थियो ।
जोशिला युवा गायक प्रसाइले २०७२ मा कासीराज बोहोराको निर्माणमा रहेको 'जिन्दगी' एल्बमबाट नेपाली सांगीतिक जगतमा प्रथम पाइला राखेका हुन्।
प्रकाशित मिति: आइतबार, जेठ ९, २०७८ १८:४६
