काठमाडौ । चर्चित हाँस्यव्यङ्ग्यकार रामकुमार पाँडेलाई पद्म-श्याम गोतामे स्रष्टा सम्मान पुरस्कार एक समारोहवीच प्रदान गरिएको छ ।
नयाँ बानेश्वरस्थित थाहा पुस्तकालयमा नेपाल स्रष्टा समाजद्वारा आयोजित कार्यक्रममा सुप्रशिद्ध हास्यव्यड्ग्यकार पाँडेलाई पद्म-श्याम गोतामे स्रष्टा सम्मान पुरस्कारबाट सम्मान गरिएकाे हाे ।
उक्त पुरस्कारको कार्यक्रममा विभिन्न साहित्यकारहरुले हाँस्यव्यङ्ग्यकार स्वर्गीय श्याम गोतामेको कृतित्व र व्यक्तित्वको बारेमा चर्चा गरि उनलाई श्रद्धाञ्जली दिँदै पुरस्कृत व्यक्तित्व लोकप्रिय हाँस्य व्यङ्ग्यकार पाँडेलाई बधाई दिएका थिए।
सम्मानित व्यक्तित्व एवम् चर्चित हाँस्यव्यङ्ग्यकार पाँडेले कार्यक्रममा स्वर्गीय श्याम गोतामेको निधनले आफूलाई निकै नै मर्माहित पारेको बताउँदै साहित्यकार गोतामे एउटा शुद्ध र निडर व्यक्तित्व भएको बताएका थिए।
कार्यक्रममा नेपाल स्रष्टा समाजको विशिष्ट आजीवन सदस्यताको प्रमाणपत्र पनि वितरण गरिएको थियो भने अन्तिममा साहित्यकार श्रीओम रोदन श्रेष्ठले सबैलाई धन्यबाद दिएर कार्यक्रमको समापन गरेका थिए ।
प्रकाशित मिति: शनिबार, पुस २, २०७९ ०८:१५
