कोभिड १९ को दोस्रो भेरियन्टवाट आक्रान्त भएका विमारीहरुलाई सहज अक्सिजन उपलब्ध गराउने उद्देश्यले काठमाण्डौ महानगरपालिका वडा नं १४ बल्खुका तीन जना यूवा दिपेन्द्र के.सी, सानुराजा मर्हजन, दिपेन्द्र श्रेष्ठले निःशुल्क अक्सिजन अभियान सुरु गरेका छन।
“तपाईहरुसंग प्रयोग नभएका अक्सीजन सिलिण्डर छन् भने पछि फिर्ता दिने गरि हामीलाई उपलव्ध गराई जीवन रक्षा गर्ने पवित्र कार्यमा सहयोग गर्नुहुन अनुरोध गर्दछौ । पछि अक्सीजन चाहिन सक्छ भनी सिलिण्डर स्टक नराखौ तपाईको घरमा स्टक राखेको सिलिण्डरले अति आवश्यक परेको विमारीलाई सहयोग गरि जीवन रक्षा गर्न सकेमा तपाईं हामीले राखेको पवित्र भावना पूरा हुन सक्छ।” भन्ने आब्हान अभियानकर्ता दिपेन्द्र के.सी गर्नुहुुन्छ ।
“हालको परिस्थितिमा अस्पतालमा सिटको अभावमा भर्ना भई उपचार गर्न नपाएर घरमा नै वसेर अक्सीजन लिई स्वास्थ्यलाभ गर्नुपर्नै अवस्थामा रहेका बिरामीहरुलाई अक्सिजन सिलिण्डर घरमा निःशुल्क पुराउने कार्य बैशाख २४ गतेबाट शुरु गरिएको” अभियानकार्ता सानुराजा मर्हजनले बताए ।
पेशाले ग्यारेज संचालक मर्हजन हामीहरुले ग्यारेज, कारखाना, कवाडीमा प्रयोग विहिन अवस्थामा रहेका केही सिलिण्डर पछि फिर्ता दिने गरि जम्मा गरि कोभिड १९ को दोस्रो भेरियन्टवाट आक्रान्त विरामीका घर घरमा निःशुल्क पुर्याइदिने कार्यमा आवश्यक आर्थिक व्यवस्था दिपेन्द्र के.सीले गरेका छन् भने अन्य साथीहरुले सिलिण्डर खोज्ने पुर्याउने काम गरि रहेका छन।
स्वास्थ्यकर्मीको सल्लाह घरमा बसि अक्सिजन लिनु पर्ने विरामीले सम्पर्क गरेपछि घरमा पुर्याइदिने र पछि र्फिता लिने व्यवस्था गरिएको छ।
लकडाउनको विषम अवस्थामा जताततै अक्सिजनको चरम अभाव भएकाले अक्सिजन नलिई नहुने विरामीहरुका आफन्तले अक्सिजन अभाव भएमा खबर गर्न आग्रह गरेको छ । दिपेन्द्र केसी ९८४१५८४९१४ सानुराजा महर्जन ९८४१३३१४३३ लाई सम्पर्क गरेपछि उपत्यकाभित्र अक्सिजन घर घरमा पुर्याई दिने व्यवस्था गरिएको छ ।
प्रकाशित मिति: शुक्रबार, जेठ १४, २०७८ १०:०१
