काठमाडौं । आज सातौं पटक मन्त्रिपरिषद् विस्तार भएकोे छ । विस्तारित मन्त्रीमण्डलका नवनियुक्त मन्त्रीहरूले शपथग्रहण समेत लिइसकेका छन् ।
आज राष्ट्रपति भवन शीतलनिवासमा राष्ट्रपति रामचन्द्र पौडेलले नवनियुक्त मन्त्रीहरूलाई शपथ ग्रहण गराएका हुन्। प्रधानमन्त्री पुष्पकमल दाहालले तीन महिनामै सातौंपटक मन्त्रिपरिषद् पुनर्गठन गरेका हुन्।
नवनियुक्त मन्त्रीहरू मध्ये शपथग्रहण लिनेहरूमा पूर्णबहादुर खड्का उपप्रधान तथा रक्षा, प्रकाशशरण महत अर्थ, रमेश रिजाल उद्योग वाणिज्य तथा आपूर्ति र सीता गुरुङ शहरी विकासमन्त्री, शक्ति बस्नेत ऊर्जा, जलस्रोत तथा सिँचाइमन्त्री, वेदुराम भुसाल कृषि तथा पशुपक्षी विकास मन्त्री, प्रकाश ज्वाला भौतिक पूर्वाधार तथा यातायात मन्त्री, अशोक राई शिक्षा, विज्ञान तथा प्रविधि मन्त्री, शरत्सिंह भण्डारी श्रम, रोजगार तथा सामाजिक सुरक्षामन्त्री, रञ्जिता श्रेष्ठ चौधरी भूमि व्यवस्था, सहकारी तथा गरिबी निवारण मन्त्री र महिन्द्र राय यादव महिला, बालबालिका तथा ज्येष्ठ नागरिक मन्त्री रहेका छन्।
प्रधानमन्त्री प्रचण्डले सातौंपटक मन्त्रिपरिषद् विस्तार गरेका हुन्। अझै सरकारले पूर्णता भने पाएको छैन।
प्रकाशित मिति: शुक्रबार, चैत १७, २०७९ १६:१७
