विश्वप्रसिद्ध ट्राभल वेबसाइट ‘ट्रिप एडभाइजर’ ले नेपालको बुद्ध एयरलाई ‘ट्रिप एडभाइजर ट्राभलर्स च्वाइस, २०२० अवार्ड’ प्रदान गरेको छ ।
वायुसेवा प्रदायक कम्पनी बुद्ध एयरले पर्वतीय उडान (माउण्टेन फ्लाइट) मार्फत उक्त अवार्ड पाएको हो। यो अवार्ड बुद्धले निरन्तर तेस्रो पटक पाएको हो ।
बुद्धले यसअघि सन् २०१८ र २०१९ मा पनि अवार्ड जितेको थियो । प्रसिद्ध ट्रिप एडभाइजर ट्राभलरस च्वाइस अवार्ड पाउने नेपालको एक मात्र एयरलाइन्स हो ।
बुद्धले दैनिक आधा दर्जन माउण्टेन फ्लाइट गर्ने गरेको छ भने आन्तरिकतर्फ कम्पनीले दैनिक १ सय उडानमार्फत ६ हजार यात्रु व्यवस्थापन गर्दै आएको छ ।
प्रकाशित मिति: शुक्रबार, भदौ २६, २०७७ २२:०६
