काठमाडौं। मृगौला प्रत्यारोपण पश्चात नयाँ जीवन पाएको वताउने सुप्रसिद्ध हांस्य अभिनेत्री पल्पसा डंगोल (चम्सुरी)ले नयाँ आयामिक कार्य गरेकी छन्।
हरेक बर्षको बुद्ध जयन्तीको अघिल्लो दिन जन्मदिन मनाउंदै आएकी अभिनेत्री डंगोलले आफ्नै गायनमा नयाँ गीत ‘तिमी जाने भट्टीतिर’को भिडियो विश्वव्यापी प्रदर्शनमा ल्याएर नयाँ आयामिक कार्य गरेकी हुन्।
कमेडी किङ मदनकृष्ण श्रेष्ठ, गीतल गाय मुरलीधर, अभिनेता रातामकै किरण केसीसहित अभिनेत्री दीपाश्री निरौला, आनन्द कार्की, माग्नेबूढा केदार घिमिरे लगायतले अभिनेत्री डंगोलको ‘तिमी जाने भट्टीतिर’को भिडियो एकसाथ विमोचन गरेर उनलाई थप हौसला दिने कार्य भएको हो ।
अभिनेत्री डंगोलले आफूले नयाँ जीवन पाएपछि गरेको आयामिक काम भनेकै यही ‘तिमी जाने भट्टीतिर’को गीत भएको वताउँदै यस गीतको भिडियोले रक्सीको लतमा लागेका धेरैका श्रीमानलाई सुधार्ने यो सन्देशमूलक गीत भएको खुलासा गरेकी छन्।
गीतको भिडियोमा पल्पसासँगै राजु भुजु, मञ्जु श्रेष्ठ, आरके मानन्धर, सुनिता श्रेष्ठ ठाकुर लगायतका कलाकारहरुको बेजोड अभिनय रहेको छ।
दुर्गा पौडेलले खिचेको यो भिडियोलाई नविन घर्तिमगरले सम्पादन गरेका हुन् । रमेशराज भट्टराईको शब्द संगीत रहेको यो गीतको भिडियो पल्पसा आफैंले निर्देशन गरेकी हुन्।
प्रकाशित मिति: शुक्रबार, वैशाख २९, २०८० २२:१३
