काठमाडौं। नेपाली तथा नेपालभाषा चलचित्रका युगिन अभिनेता तथा निर्देशक पवन जोशीको निर्देशनमा एक पछि अर्को भिडियो निर्माण हुने क्रमले निरन्तरता पाएको छ।
चुप लागेर बस्नै नसक्ने युगिन निर्देशक जोशीको निर्देशनमा निर्माण भएको म्युजिक भिडियो रिलिज भएको हो।
नेपालभाषामा निर्माण भएको गीतको बोल नै "जिमी बाँज्या" रहेको छ। नातिले आफ्ना प्रेमिल साथीहरुमाझ उमेरले असी पुग्न लागेका हजुरबुवाको बारेमा गरेको प्रेमिल बर्णन यस गीतको भिडियोमा निर्देशक जोशीले सरल तथा सहज ढंगले प्रस्तुत गरेका छन्।
बाजे अर्थात असी बर्षका हजुरबुवाको भूमिकामा का–बेमान रवि डंगोलको स्वभाविक अभिनय हेर्न पाइन्छ। साथमा मनोज महर्जन, शान्ता महर्जन, शर्मिला सिंह महर्जन लगायतका कलाकारहरुको अभिनय रहेको गीतको भिडियो केबिएस लुभुको कन्सेप्ट तथा व्यवस्थापनमा निर्माण भएको हो।
शैलेश श्रेष्ठ लुभुको ड्रोन, सम्पादन तथा छायाँकन रहेको छ। सुन्दर ब्यान्जुको शव्द, संगीत तथा गायन छ।
प्रकाशित मिति: बिहीबार, जेठ २५, २०८० २१:१०
