काठमाडौं। नेपाल वाहिर दुबईमा आयोजित अन्तराष्ट्रिय सौन्दर्य प्रतियोगिता ‘मिस स्टार युनिभर्स २०२३’ को शिर्ष उपाधि नेपालकी चेली सृष्टि महर्जनले जितेकी छन्।
उन्नाईस देशका प्रतिस्पर्धीलाई पछि पार्दै नेपाली चेली महर्जनले उक्त उपाधि चुमेकी हुन्। २२ बर्षिया महर्जनले प्रतियोगीतामा शिर्ष सहित ‘मिस जर्जियस’ र ‘मिस प्राइड अफ स्टार युनिभर्स’को सवटाइटल समेत हात परेकी छन्।
‘मिस स्टार युनिभर्स २०२३’ प्रतियोगी सवैलाई उछिनेर शिर्ष विजेता बन्न पाउँदा अत्यन्त खुसी लागेको र नेपाललाई अन्तराष्ट्रिय क्षेत्रमा चिनाउन आफूले सफलता पाएकोमा गौरब लागेको पनि महर्जनले बताएकी छन्।
‘इन्डो इन्टरनेशनल फेसन कार्निभल एण्ड अवार्ड २०२३’ अन्तर्गत आयोजित ‘मिस स्टार युनिभर्स २०२३’मा उनलाई ग्रिनआर्ट मिडियाले ‘मिस स्टार युनिभर्स नेपाल २०२३’ ताज सहित पठाएको थियो ।
कार्यक्रममा ‘मिसेस स्टार युनिभर्स २०२३’ तर्फ नेपाली जोया बुढाथोकी सहभागी थिइन् । उनले भने प्रतियोगीतामा ‘मिसेन ब्युटिफुल बडी’को उपाधि हात पारिन्।
कार्यक्रममा अवार्डतर्फ सहभागी फेसन मेकअप आर्टिस रश्मि श्रेष्ठ र व्यवसायी परिन्दा श्रेष्ठ ‘परी’ले आआफ्नो बिधामा अवार्ड हात पारेका थिए।
होटल ब्रिस्टल दुआबीमा आयोजित कार्यक्रममा डा बु.अब्दुला, बलिउड सेलिब्रेटी आफताब शिवदासानी लगायतले विजेतलाई ताज लगाइदिएका थिए।
प्रतियोगीताको निर्णायकमा अनिला श्रेष्ठ (मिसेस युनिभर्स नेपाल २०१९), सुधा एक (वनर सुधा भेन्चर्स), इशा पफरहा कुरैशी, हनिफ शेख, अरविन्द लिम्बावली लगायत रहेका थिए ।
विजेतापछि नेपाल फर्किएका सबैलाई ग्रिनआर्ट मिडियाका सिइयो प्रविन लाकौल, ग्रीन आर्ट मिडियाकी प्रबन्ध निर्देशक तथा अन्तर्राष्ट्रिय कोरियोग्राफर अनिला श्रेष्ठले शनिबार नेपालमा स्वागत गर्दै बधाई तथा थप सफलताका लागि शुभकामना दिएका थिए्।
प्रकाशित मिति: शनिबार, असार ३०, २०८० २१:३५
