काठमाडौ । धितोपत्र बजारमा शेयर कारोबार मापक नेप्से परिसूचक दोहोरो अङ्कले उकालो लागेको छ ।
चालु आर्थिक वर्षको अन्तिम कारोबार सकारात्मक रहेको छ । नेपाल स्टक एक्सचेञ्जका अनुसार नेप्से परिसूचक १२ दशमलव १६ अङ्कले उकालो लागेर २ हजार ९७ दशमलव ०९ मा पुगेको छ।
ठूला कम्पनीको शेयर कारोबार मापन गर्ने सेन्सेटिभ परिसूचक दुई दशमलव ९० अङ्कले उकालो लागेर तीन सय ९४ दशमलव १५ मा पुगेको छ।
कारोबार भएका कूल १३ उपसमूहमध्ये पाँच उपसमूहको शेयर मूल्य ओरालो लाग्दा आठ उपसमूहको शेयर मूल्यमा भने बढोत्तरी भएको छ। कूल ७१ लाख ८४ हजार २ सय ५४ कित्ता शेयर २ अर्ब ३७ ६४ लाख २७ हजार ५ सय ७३ बराबरको कारोबार भएको छ।
कारोबारका आधारमा शिवम् सिमेन्ट शीर्ष स्थानमा छ । सो कम्पनीको रू १९ करोड १३ लाख ११ हजार ३ सय ७२ बराबरको कारोबार भएको छ।
हिमालयन लाइफ इन्स्योरेन्स १ करोड ६९ लाख ४५ हजार, माउण्टेन इनर्जी नेपाल ९ करोड ८४ लाख ९१ हजार ९ सय ८०, हिमालयन एभरेष्ट इन्स्योरेन्स ७ करोड ६२ लाख ७४ हजार ८ सय ५ र एशियन लाइफ इन्स्योरेन्स रू ७ करोड ५९ लाख ९८ हजार ८ सय ८१ बराबरको कारोबार भई शीर्ष पाँच भित्र पर्न सफल भएका छन् ।
नेप्सेका अनुसार, सनराइज फोकस्ड इक्विटी फण्ड १०, एनआइविएल नौ दशमलव ९२, सानिमा ग्रोथ फण्ड नौ दशमलब ९०, सिटिजन म्युचुअल फण्ड ९ दशमलव ८३ र माछापुच्छ्रे बैंकको ऋणपत्रका लगानीकर्ताले ९ दशमलव ४१ प्रतिशतले कमाएका छन्।
यस्तै, लिवर्टी इनर्जी ५ दशमलव ९६, मकर जितुमाया सुरी हाइड्रोपावर ५ दशमलव ८३, मञ्जुश्री फाइनान्स ३ दशमलव ९४, हिमालयन हाइड्रोपावर ३ दशमलव ८६ र कर्पोरेट डेभलपमेन्ट बैंकका शेयरधनीले ३ दशमलव ७१ प्रतिशतले गुमाएका छन्।
प्रकाशित मिति: आइतबार, असार ३१, २०८० १६:१५
